Табақ металл бұйымдарын өндіру шығындарын азайтудың 5 тәсілі
Осы бес кеңес табақ металдан бұйымдар жасау жобасын оңтайландыруға, шығындарды азайтуға және тиімділікті арттыруға көмектеседі.
Табақ металл аз санды прототиптерден бастап детальдардың ірі партияларына дейінгі тозуға төзімді бұйымдарды өндіруге өте қолайлы. Табақ металдан жасалған бұйымдар кеңінен қолданылады және оларды пайдалану өндіруші үшін тиімді болуы мүмкін. Дегенмен, мұндай бұйымдар бір тегіс табақтан жасалатындықтан, өңдеудің басқа түрлерінде болмайтын қосымша жобалау талаптары бар.
Өндірісте уақыт пен қаражатты үнемдеуге көмектесу үшін мақала авторы келесі жобада қолдануға болатын бес әдісті ұсынады:
1. Сәйкес материалды таңдаңыз
Материалдардың құны - өндірістік шығындар мен өнім бағасына әсер ететін негізгі факторлардың бірі. Материалды мұқият бағалай отырып таңдаңыз және стандартты өлшемдерді қолданыңыз. Прототиптеу үшін, мысалы, тот баспайтын болаттың орнына 5052 алюминийін немесе басқа арзанырақ материалды пайдаланып көруге болады.
2. Нақты калибрге сай жобалаңыз
Детальды жобалау кезінде табақ материалдың стандартты калибрлерін ескеріңіз. Қолданыстағы станоктардың шектеулерін және олар өңдей алатын максималды қалыңдықтарды біліңіз. Мұндай шектеулер детальдың геометриясына да байланысты. Қалың табақ деталь конфигурациясы талап ететін иілімдерді орындауға мүмкіндік бермеуі мүмкін.
3. Иілімдерді қарапайым етіңіз
Жалпы алғанда, детальдың пішіні неғұрлым күрделі болса, оны дайындау соғұрлым қымбатқа түседі. Шығындарды азайту үшін радиусы табақ қалыңдығына тең немесе одан үлкен қарапайым бұрыштық иілімдерді жобалауға тырысыңыз. Қалың металдан жасалған ірі детальдардағы тар иілімдер көбінесе дәл болмайды, сондықтан мүмкіндігінше олардан аулақ болған жөн.
4. Қатаң рұқсат етілген ауытқуларды (допуск) шектеңіз
Көбінесе детальдың бірнеше беті ғана оның жұмыс істеуі үшін маңызды болып табылады. Қатаң өлшемдік рұқсаттары бар элементтер (мысалы, радиустар, қашықтықтар, тесік диаметрлері) неғұрлым көп болса, детальды өндіру соғұрлым қымбаттайды. Шығындарды азайту және артық шығындарды жою үшін рұқсаттарды тек маңызды элементтер мен беттерге ғана енгізуге тырысыңыз.
5. Иілімдердің бағытын бірдей сақтаңыз
Бір жазықтықтағы иілімдерді бір бағытта жобалау керек, бұл детальды станокта қайта бағыттауды қажет етпейді, осылайша уақыт пен қаражатты үнемдейді. Иілу радиусын өзгеріссіз сақтау да өндірісті тиімдірек етеді.
IMA ақпараты
Табақ металдан бұйымдар өндіру әрқашан өндірушіден белгілі бір шешімдер қабылдауды талап етеді. Қаражатты тиімді пайдалануға иілімдер мен қалыңдықтарды баптауға және таңдауға, қателіктерден аулақ болуға және өндіріс уақытын үнемдеуге мүмкіндік беретін тексерілген және сенімді жабдықты пайдалану арқылы қол жеткізіледі.
Өндірістік қуаттарыңызды кеңейту немесе жаңарту уақыты келгенде, сенімді итальяндық өндірушіден жаңа иілу станогын сатып алу үшін әрқашан IMA-ға жүгіне аласыз. Біздің каталогтағы қауымдастық мүшелерінің иілу станоктарының ұсынысы кез келген деңгейдегі өндірушінің қажеттіліктерін қанағаттандыра алады — шағын мердігерден немесе жеке өндірушіден бастап ірі автоматтандырылған зауытқа дейін.
